Во насока на поттикнување и продлабочување на билатералните економски врски меѓу Северна Македонија и Грција, Стопанската комора на Северна Македонија, во соработка со Амбасадата на Република Грција, организира Бизнис-форум и билатерални средби меѓу бизнис-делегации од двете земји.

Настанот, кој ќе се одржи на 6 ноември 2025 година во просториите на Стопанската комора, ќе послужи како платформа за поврзување на компаниите од двете земји, за да се запознаат со заедничките можности за соработка и поставување темели за идни деловни потфати.

На настанот ќе бидат присутни компании од следниве сектори:

·        Храна и пијалаци

·        Фармација и козметика

·        Информатичка технологија и комуникации

·        Градежништво и градежни материјали

·        Медицинска опрема

·        Еколошки услуги и енергетика

·        Металургија

·        Транспорт и логистика.

Програмата на настанот предвидува пленарна сесија со обраќање на претставници од Стопанската комора на Северна Македонија, Атинската стопанска комора, Амбасадата на Р Грција, како и од Асоцијацијата на грчки извозници, кои ќе ги претстават можностите за инвестиции и за соработка.

Настанот нуди можност за вмрежување со B2B-средби меѓу македонски и грчки компании. Работен јазик на настанот е англискиот.